ಪೆರ್ಣಂಕಿಲ : ಕೊರೋನಾ ಕಾರಣದಿಂದಾಗಿ ಮುಚ್ಚಿದ್ದ ಶಾಲೆಗಳು ಹಂತ ಹಂತವಾಗಿ ಬಾಗಿಲು ತೆರೆಯುತ್ತಿವೆ. ಇದೀಗ ಅಂಗನವಾಡಿ ಕೇಂದ್ರಗಳನ್ನು ತೆರೆಯಲು ರಾಜ್ಯ ಸರ್ಕಾರ ಅನುಮತಿ ನೀಡಿದೆ. ಕೋವಿಡ್ ನಿಯಮಾನುಸಾರ ಅಂಗನವಾಡಿ ಕೇಂದ್ರಗಳು ಕಾರ್ಯಾಚರಿಸಲಿವೆ.
ಸರ್ಕಾರದ ಅಧಿಸೂಚನೆಯಂತೆ ಪೆರ್ಣಂಕಿಲದ ವರ್ವಾಡಿಯ ಅಂಗಡಿ ಕೇಂದ್ರದಲ್ಲಿಯೂ ಇಂದಿನಿಂದ ಚಿಣ್ಣರ ಕಲರವ ಕೇಳಿ ಬರುತ್ತಿದೆ. ಒಂದೂವರೆ ವರ್ಷದಿಂದ ಪುಟಾಣಿಗಳ ಆಗಮನವಿಲ್ಲದೆ ಸಪ್ಪಗಿದ್ದ ಅಂಗನವಾಡಿ ಇಂದು ಮತ್ತೆ ಮಕ್ಕಳ ಕಲರವದಿಂದ ತುಂಬಿತ್ತು. ಮಕ್ಕಳ ಸ್ವಾಗತಕ್ಕಾಗಿ ಅಂಗನವಾಡಿಯಲ್ಲಿ ಸಕಲ ಸಿದ್ಧತೆ ಮಾಡಲಾಗಿತ್ತು. ಬಲೂನುಗಳಿಂದ, ಬಣ್ಣದ ಕರ್ಟನ್ ಗಳಿಂದ ಅಂಗನವಾಡಿ ಕೇಂದ್ರವನ್ನು ಸಿಂಗರಿಸಲಾಗಿದೆ.
