ವರದಿ : ಬಿ.ಎಸ್.ಆಚಾರ್ಯ
ಬ್ರಹ್ಮಾವರ : ರೋಟರಿ ಕ್ಲಬ್ ಬ್ರಹ್ಮಾವರ ಇವರ ವತಿಯಿಂದ ನೂತನ ಸಮುದಾಯ ದಳ ಕುಮ್ರಗೋಡು ಇದರ ಉದ್ಘಾಟನೆ ಮತ್ತು ಆರ್ಥಿಕವಾಗಿ ಹಿಂದುಳಿದ 2 ಮಹಿಳೆಯರಿಗೆ ಎಂಭತ್ತು ಸಾವಿರ ರೂ.ಮೌಲ್ಯದ ಹಸು ವಿತರಣಾ ಕಾರ್ಯಕ್ರಮ ರೋಟರಿ ಅಧ್ಯಕ್ಷ ಹರೀಶ್ ಕುಂದರ್ ಅಧ್ಯಕ್ಷತೆಯಲ್ಲಿ ಜರುಗಿತು.
ಈ ಸಂದರ್ಭ ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಆಗಮಿಸಿದ ದಕ ಸಹಕಾರಿ ಹಾಲು ಉತ್ಪಾದಕರ ಒಕ್ಕೂಟದ ಅಧ್ಯಕ್ಷ ರವಿರಾಜ್ ಹೆಗ್ಡೆ ಮಾತನಾಡಿ, ಗೋಮಾತೆ ಅಂದರೆ ಭೂಮಾತೆಗಿಂತ ಹೆಚ್ಚು ಮಹತ್ವ ಇದೆ. ಭೂಮಿಯ ಫಲವತ್ತತೆಯನ್ನು ಉಳಿಸಿ ಬೆಳೆಸುವುದು ಗೋವು ಅದನ್ನು ಅಶಕ್ತರಿಗೆ ನೀಡಿದ ರೋಟರಿ ಸಂಸ್ಥೆ ಮಾದರಿಯಾಗಿದೆ ಎಂದರು.
ಇದೇ ಸಂದರ್ಬದಲ್ಲಿ ಬ್ರಹ್ಮಾವರ ರೋಟರಿಯಲ್ಲಿ ಹಲವಾರು ಜನಹಿತ ಕಾರ್ಯ ಮಾಡುತ್ತಿರುವ ಅಧ್ಯಕ್ಷ ಹರೀಶ್ ಕುಂದರ್ ಅವರನ್ನು ಊರವರು ಕಾರ್ಯಕ್ರಮದಲ್ಲಿ ಸನ್ಮಾನಿಸಿದರು.
ಜಿಲ್ಲಾ ರೋಟರಿ ಗವರ್ನರ್ ಎಂ ಜಿ ರಾಮಚಂದ್ರ ಮೂರ್ತಿ ಸಿ ಏ ಪದ್ಮನಾಭ ಕಾಂಚನ್, ಸುಶೀಲಾ ರೈ, ಸತೀಶ್ ಶೆಟ್ಟಿ, ಉದಯಕುಮಾರ್ ಶೆಟ್ಟಿ, ಸುರೇಶ್ ಪೂಜಾರಿ, ಶ್ರೀಧರ ಶೆಟ್ಟಿ ಇನ್ನಿತರರು ಉಪಸ್ಥಿತರಿದ್ದರು.
