ಹೊಸದಿಲ್ಲಿ: ಅಕ್ಟೋಬರ್ ತಿಂಗಳಲ್ಲಿ ಸೂರ್ಯಗ್ರಹಣ ಮತ್ತು ಚಂದ್ರ ಗ್ರಹಣ ಎರಡೂ ವಿದ್ಯಮಾನಗಳು ಜರುಗಲಿವೆ. ಕೇವಲ ಎರಡು ವಾರಗಳ ಅಂತರದಲ್ಲಿ ಈ ಎರಡೂ ಗ್ರಹಣಗಳನ್ನು ವೀಕ್ಷಿಸುವ ಅವಕಾಶ ಜನರಿಗೆ ದೊರಕಲಿದೆ.
ಈ ತಿಂಗಳ 14 ರಂದು ಸೂರ್ಯಗ್ರಹಣ ಮತ್ತು 28ರಂದು ಚಂದ್ರ ಗ್ರಹಣ ಸಂಭವಿಸಲಿವೆ.
ಸೂರ್ಯಗ್ರಹಣ :
ದಿನಾಂಕ: ಅಕ್ಟೋಬರ್ 14ರ ಶನಿವಾರ
ಆರಂಭದ ಸಮಯ: ರಾತ್ರಿ 8:34
ಅಂತ್ಯದ ಸಮಯ: ರಾತ್ರಿ 2:25
ಭಾರತದಲ್ಲಿ ಗೋಚರಿಸಲಿದೆಯಾ?
ಅ. 14ರಂದು ಸಂಭವಿಸುವ ವಾರ್ಷಿಕ ಸೂರ್ಯ ಗ್ರಹಣವು ಭಾರತದಲ್ಲಿ ಗೋಚರವಾಗುವುದಿಲ್ಲ. ಹೀಗಾಗಿ ಯಾವುದೇ ಸೂತಕದ ಅವಧಿ ಇರುವುದಿಲ್ಲ.
ಅಮೆರಿಕದ ಪಶ್ಚಿಮ ಭಾಗ ಹಾಗೂ ಪೆಸಿಫಿಕ್ ಸಮುದ್ರದವರೆಗೆ ಸೇರಿದಂತೆ ಉತ್ತರ ಅಮೆರಿಕದಲ್ಲಿ ಸೂರ್ಯ ಗ್ರಹಣ ಗೋಚರಿಸುತ್ತದೆ.
ಚಂದ್ರ ಗ್ರಹಣ :
ಚಂದ್ರ ಗ್ರಹಣದ ದಿನಾಂಕ: ಅಕ್ಟೋಬರ್ 28ರ ಶನಿವಾರ
ಗ್ರಹಣದ ಆರಂಭದ ಸಮಯ: ರಾತ್ರಿ 1.05 ಗಂಟೆ
ಗ್ರಹಣದ ಮುಕ್ತಾಯ: ರಾತ್ರಿ 2:24 ಗಂಟೆ
ಭಾಗಶಃ ಚಂದ್ರಗ್ರಹಣ:
ಅ. 28ರ ಮಧ್ಯರಾತ್ರಿ ಸಂಭವಿಸುವ ಭಾಗಶಃ ಚಂದ್ರ ಗ್ರಹಣ ಭಾರತದಲ್ಲಿ ಗೋಚರಿಸುತ್ತದೆ. ಅಮೆರಿಕ, ಪಶ್ಚಿಮ ಯುರೋಪ್ ಮತ್ತು ಪಶ್ಚಿಮ ಆಫ್ರಿಕಾ ಸೇರಿದಂತೆ ಜಗತ್ತಿನ ವಿವಿಧ ಭಾಗಗಳಲ್ಲಿ ಕೂಡ ಕಾಣಿಸುತ್ತದೆ. ಸಂಪೂರ್ಣ ಚಂದ್ರ ಗ್ರಹಣವು ಅಂದಾಜು 15 ನಿಮಿಷಗಳವರೆಗೆ ಇರುತ್ತದೆ.