ಕುಂದಾಪುರ : ಟೆಂಪೋ ಡಿಕ್ಕಿ ಹೊಡೆದು ಪಾದಚಾರಿ ಮಹಿಳೆ ಸಾವನ್ನಪ್ಪಿರುವ ಘಟನೆ ಬೈಂದೂರು – ಉಡುಪಿ ರಸ್ತೆಯ ರಾ ಹೆ ೬೬ ರಲ್ಲಿ ಶನಿವಾರ ರಾತ್ರಿ ನಡೆದಿದೆ. ಮಲ್ಲಮ್ಮ ಮೃತ ಮಹಿಳೆ.
ಶನಿವಾರ ರಾತ್ರಿ ಬೈಂದೂರು – ಉಡುಪಿ ರಸ್ತೆಯ ರಾ ಹೆ ೬೬ ರ ಪಶ್ಚಿಮ ಬದಿಯ ಮದ್ಯದ ಡಿವೈಡರ್ ನಲ್ಲಿದ್ದ ವಿದ್ಯುತ್ ಕಂಬದ ಪಕ್ಕ ಡಿವೈಡರ್ ಮೇಲೆ ರಸ್ತೆ ದಾಟಲು ನಿಂತುಕೊAಡಿದ್ದಾಗ ಬೈಂದೂರು ಕಡೆಯಿಂದ ಉಡುಪಿ ಕಡೆಗೆ ಸಾಗುತ್ತಿದ್ದ ಟೆಂಪೋ ಡಿಕ್ಕಿ ಹೊಡೆದಿದೆ.
ಪರಿಣಾಮ ಮಲ್ಲಮ್ಮ ತಲೆಗೆ ತೀವ್ರ ಗಾಯವಾಗಿದ್ದು, ಅವರನ್ನು ಕುಂದಾಪುರ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಯಿತಾದರೂ ಅಲ್ಲಿ ಪರೀಕ್ಷಿಸಿದ ವೈದ್ಯರು ಅವರು ಮೃತಪಟ್ಟಿರಯವ ಬಗ್ಗೆ ತಿಳಿಸಿದ್ದಾರೆ.
ಇನ್ನು ಟೆಂಪೋ ಚಾಲಕ ಪ್ರಸನ್ನ ಹಾಗೂ ಟೆಂಪೋದಲ್ಲಿದ್ದ ಆಕಾಂಕ್ಷ, ದಕ್ಷಾ ಎಂಬವರಿಗೆ ಗಾಯಗೊಂಡಿದ್ದಾರೆ, ಪ್ರಸನ್ನ ಅವರ ಅತೀ ವೇಗ ಹಾಗೂ ಅಜಾಗರೂಕತೆಯ ಚಾಲನೆಯೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ. ಈ ಬಗ್ಗೆ ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.