ಕಾಪು: ತಾಲೂಕಿನ ಕೊಪ್ಪಲಂಗಡಿ ಬಳಿ ಗಾಂಜಾ ಸೇವನೆ ಪ್ರಕರಣಕ್ಕೆ ಸಂಬಂಧಿಸಿ ಇಬ್ಬರು ಯುವಕರನ್ನು ಕಾಪು ಪೊಲೀಸರು ವಶಕ್ಕೆ ಪಡೆದಿದ್ದು, ಶುಕ್ರವಾರ ಅವರನ್ನು ವೈದ್ಯಕೀಯ ಪರಿಕ್ಷೆಗೆ ಒಳ ಪಡಿಸಿದಾಗ ಅವರು ಅಮಲು ಪದಾರ್ಥ ಮಾಡಿರುವುದು ಖಚಿತ ಪಟ್ಟಿದೆ.
ಅನಿಕೇತ್(26), ಸೌರಬ್(27) ಎಂಬವರನ್ನು ಪೊಲೀಸರು ವಶದಲ್ಲಿರುವವರಾಗಿದ್ದು,ಕಾಪು ಪೊಲೀಸ್ ಠಾಣೆಯ ಪೊಲೀಸ್ ಉಪನಿರೀಕ್ಷಕ ರಾಘವೇಂದ್ರ. ಸಿ ಅವರು ಶುಕ್ರವಾರ ಇತರ ಸಿಬ್ಬಂದಿ ಗಳೊಂದಿಗೆ ರೌಂಡ್ಸ್ ಕರ್ತವ್ಯದಲ್ಲಿದ್ದಾಗ ಯುವಕರಿಬ್ಬರು ಅಮಲಿನಲ್ಲಿದ್ದ ಬಗ್ಗೆ ಅನುಮಾನ ಗೊಂಡು, ಅನಿಕೇತ್ನನ್ನು ಪಾಂಗಾಳ ಗ್ರಾಮದ ರಾಷ್ಟ್ರೀಯ ಹೆದ್ದಾರಿಯ ಸರ್ವಿಸ್ ರಸ್ತೆಯ ಸಮೀಪ ಹಾಗೂ ಸೌರಬ್ನನ್ನು ಕಾಪು ತಾಲೂಕು ಕೊಪ್ಪಲಂಗಡಿ ಸಮೀಪ ವಶಕ್ಕೆ ಪಡೆದುಕೊಂಡಿದ್ದಾರೆ.
ಯುವಕರು ಮಾದಕ ವಸ್ತು ಸೇವಿಸಿರುವುದನ್ನು ಖಚಿತ ಪಡಿಸಲು ಈ ಇಬ್ಬರನ್ನು ವೈದ್ಯಕೀಯ ತಪಾಸಣೆಗೆ ಒಳಪಡಿಸಲಾಗಿತ್ತು. ಶುಕ್ರವಾರ ವೈದ್ಯರು ನೀಡಿದ ವರದಿಯಲ್ಲಿ ಇಬ್ಬರೂ ಗಾಂಜಾ ಸೇವಿಸಿರುವುದು ದೃಢಪಟಿದೆ.ಈ ಬಗ್ಗೆ ಕಾಪು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
