ರಾಜಸ್ಥಾನ ವಿಧಾನಸಭಾ ಚುನಾವಣೆಗೆ ಮುಂಚಿತವಾಗಿ, ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ನೇತೃತ್ವದ ಕಾಂಗ್ರೆಸ್ ಸರ್ಕಾರವು ರಾಜ್ಯದಲ್ಲಿ ಮೂರು ಹೊಸ ಜಿಲ್ಲೆಗಳನ್ನು ರಚಿಸುವುದಾಗಿ ಘೋಷಿಸಿದೆ. ಮಾಲ್ಪುರ, ಸುಜನ್ಗರ್ ಮತ್ತು ಕುಚಮನ್ ನಗರ ಇವು 3 ಹೊಸ ಜಿಲ್ಲೆಗಳು.
ರಾಜಸ್ಥಾನದಲ್ಲಿ ಪ್ರಸ್ತುತ 50 ಜಿಲ್ಲೆಗಳಿದ್ದು, ಮೂರು ಹೊಸ ಜಿಲ್ಲೆಗಳ ಸೇರ್ಪಡೆಯೊಂದಿಗೆ, ರಾಜ್ಯವು ಈಗ 53 ಜಿಲ್ಲೆಗಳನ್ನು ಪಡೆಯಲಿದೆ.
“ಸಾರ್ವಜನಿಕ ಬೇಡಿಕೆ ಮತ್ತು ಉನ್ನತ ಮಟ್ಟದ ಸಮಿತಿಯ ಶಿಫಾರಸ್ಸಿನ ಪ್ರಕಾರ, ರಾಜಸ್ಥಾನದಲ್ಲಿ ಮೂರು ಹೊಸ ಜಿಲ್ಲೆಗಳನ್ನು ರಚಿಸಲಾಗುವುದು – 1. ಮಾಲ್ಪುರ 2. ಸುಜನ್ ಘರ್ 3. ಕುಚಮನ್ ನಗರ ಈಗ ರಾಜಸ್ಥಾನವು 53 ಜಿಲ್ಲೆಗಳನ್ನು ಹೊಂದಿರುತ್ತದೆ. ಭವಿಷ್ಯದಲ್ಲಿಯೂ, ಉನ್ನತ ಮಟ್ಟದ ಸಮಿತಿಯ ಶಿಫಾರಸುಗಳ ಪ್ರಕಾರ ಗಡಿರೇಖೆ ಮುಂತಾದ ಸಮಸ್ಯೆಗಳನ್ನು ಪರಿಹರಿಸುವುದನ್ನ ಮುಂದುವರಿಸಲಾಗುವುದು” ಎಂದು ಗೆಹ್ಲೋಟ್ ಹಿಂದಿಯಲ್ಲಿ ಪೋಸ್ಟ್ ಮಾಡಿದ್ದಾರೆ.
