ಕೋಲ್ಕತಾ : ಫೇಸ್ ಬುಕ್ ಪ್ರೇಮಿಗಾಗಿ ಪಾಕಿಸ್ತಾನಕ್ಕೆ ತೆರಳಿದ್ದ ಭಾರತದ ಅಂಜು ವಿಚಾರ ಇನ್ನೂ ಸುದ್ದಿಯಲ್ಲಿದೆ. ಇದೀಗ ಅಂತಹುದೇ ಮತ್ತೊಂದು ಘಟನೆ ವರದಿಯಾಗಿದೆ.
ಈ ಬಾರಿ ಕೋಲ್ಕತಾ ಮೂಲದ ವ್ಯಕ್ತಿಯನ್ನು ವಿವಾಹವಾಗಲು ಪಾಕಿಸ್ತಾನದ ಮಹಿಳೆಯೊಬ್ಬಳು ಗಡಿದಾಟಿ ಭಾರತಕ್ಕೆ ಆಗಮಿಸಿದ್ದಾರೆ. ಪಾಕಿಸ್ತಾನದ ಜವೇರಿಯಾ ಖಾನುಮ್ ಎಂಬುವವರು ಮಂಗಳವಾರ ವಾಘಾ-ಅಟ್ಟಾರಿ ಅಂತಾರಾಷ್ಟ್ರೀಯ ಗಡಿಯಿಂದ ಭಾರತಕ್ಕೆ ಬಂದಿದ್ದು, ಕೋಲ್ಕತ್ತಾ ನಿವಾಸಿಯನ್ನು ಮದುವೆಯಾಗಲು ಭಾರತಕ್ಕೆ ಬಂದಿದ್ದಾರೆ.
ಮುಂದಿನ ವರ್ಷ ಜನವರಿಯಲ್ಲಿ ಅವರ ವಿವಾಹವನ್ನು ನಿಗದಿಪಡಿಸಲಾಗಿದೆ ಎಂದು ತಿಳಿದುಬಂದಿದೆ.
ವರದಿ ಪ್ರಕಾರ, ಕರಾಚಿ ನಿವಾಸಿಯಾಗಿರುವ ಜವೇರಿಯಾ ಖಾನುಮ್ ತಮ್ಮ ಕುಟುಂಬಸ್ಥರು ನಿಶ್ಚಯಿಸಿದ ವರ ಕೋಲ್ಕತಾ ಮೂಲದ ಸಮೀರ್ ಖಾನ್ ರನ್ನು ವಿವಾಹವಾಗಲು ಭಾರತಕ್ಕೆ ಬಂದಿದ್ದಾರೆ. ಜವೇರಿಯಾ ಖಾನುಮ್ ರನ್ನು ಬರಮಾಡಿಕೊಳ್ಳಲು ವರ ಸಮೀರ್ ಖಾನ್ ಮತ್ತು ಅವರ ಕುಟುಂಬದ ಕೆಲವು ಸದಸ್ಯರು ಅಗಮಿಸಿದ್ದರು. ಗಡಿಯಲ್ಲಿ ಜವೇರಿಯಾ ಖಾನುಮ್ ಗೆ ಭರ್ಜರಿ ಸ್ವಾಗತ ನೀಡಿದ ವರನ ಕಡೆಯವರು ಡೋಲು ಕುಣಿತದ ಮೂಲಕ ಹೂವಿನ ಸುರಿಮಳೆಗೈದು ಆಕೆಯನ್ನು ಸ್ವಾಗತಿಸಿದರು.
ಸತತ ಪ್ರಯತ್ನದ ಬಳಿಕ ಭಾರತಕ್ಕೆ :
ಜವೇರಿಯಾ ಖಾನುಮ್ ಭಾರತಕ್ಕೆ ಬರಲು ಸತತ ಪ್ರಯತ್ನ ಪಟ್ಟಿದ್ದರು. ಅವರು ಈ ಹಿಂದೆ ಸಲ್ಲಿಸಿದ್ದ ಎರಡು ವೀಸಾ ಅರ್ಜಿಗಳನ್ನು ಅಧಿಕಾರಿಗಳು ನಿರಾಕರಿಸಿದ್ದರು. ಕೋವಿಡ್ ಸಾಂಕ್ರಾಮಿಕವು ಸುಮಾರು ಐದು ವರ್ಷಗಳ ಕಾಲ ಅವರ ಯೋಜನೆಗಳನ್ನು ಸ್ಥಗಿತಗೊಳಿಸಿತು. ಆದರೆ ಇದೀಗ ಆಕೆಗೆ ವಿವಾಹಕ್ಕಾಗಿ 45 ದಿನಗಳ ವೀಸಾವನ್ನು ನೀಡಲಾಗಿದೆ.
ಜನವರಿಯಲ್ಲಿ ಮದುವೆ :
ನನಗೆ 45 ದಿನಗಳ ವೀಸಾ ನೀಡಲಾಗಿದೆ. ನಾನು ಇಲ್ಲಿಗೆ ಬಂದಿದ್ದಕ್ಕೆ ನನಗೆ ತುಂಬಾ ಸಂತೋಷವಾಗಿದೆ. ಆಗಮನದ ನಂತರ ನಾನು ಈಗಾಗಲೇ ಇಲ್ಲಿ ತುಂಬಾ ಪ್ರೀತಿಯನ್ನು ಪಡೆಯುತ್ತಿದ್ದೇನೆ. ಜನವರಿ ಮೊದಲ ವಾರದಲ್ಲಿ ನಮ್ಮ ಮದುವೆ ನಡೆಯಲಿದೆ. ಐದು ವರ್ಷಗಳ ನಂತರ ನನಗೆ ವೀಸಾ ಸಿಕ್ಕಿದೆ ಎಂದು ನಾನು ನಂಬಲಾಗುತ್ತಿಲ್ಲ. ಇದು ಸುಖಾಂತ್ಯ ಮತ್ತು ಸಂತೋಷದ ಆರಂಭ. ಮನೆಗೆ ಮರಳಿದ ನಮ್ಮ ಮನೆಯ ಪ್ರತಿಯೊಬ್ಬರೂ ತುಂಬಾ ಸಂತೋಷವಾಗಿದ್ದಾರೆ ಎಂದು ಜವೇರಿಯಾ ಸುದ್ದಿಗಾರರಲ್ಲಿ ಹೇಳಿದರು.
ಫೋಟೋ ನೋಡಿ ಲವ್:
ನಮ್ಮ ತಾಯಿಯ ಫೋನ್‌ನಲ್ಲಿ ಸಮೀರ್ ಖಾನ್ ಅವರ ಫೋಟೋವನ್ನು ನೋಡಿದ ನಂತರ ಅವರನ್ನು ಮದುವೆಯಾಗಲು ಆಸಕ್ತಿ ವ್ಯಕ್ತಪಡಿಸಿದೆ. ಮೇ 2018 ರಲ್ಲಿ ಪ್ರಾರಂಭವಾಯಿತು. ನಾನು ಓದುತ್ತಿದ್ದ ಜರ್ಮನಿಯಿಂದ ಮನೆಗೆ ಬಂದಿದ್ದೆ. ನನ್ನ ತಾಯಿಯ ಫೋನ್‌ನಲ್ಲಿ ಸಮೀರ್ ಖಾನ್ ಅವರ ಫೋಟೋವನ್ನು ನೋಡಿದೆ ಮತ್ತು ಬಳಿಕ ಹುಡುಗ ಒಳ್ಳೆಯವನು ಎಂದು ತಿಳಿದು ಮದುವೆಗೆ ನನ್ನ ಆಸಕ್ತಿಯನ್ನು ವ್ಯಕ್ತಪಡಿಸಿದೆ. ನಾನು ಜವೇರಿಯಾದ ವ್ಯಕ್ತಿಯನ್ನೇ ಮದುವೆಯಾಗಬೇಕೆಂದು ನನ್ನ ತಾಯಿಗೆ ಹೇಳಿದ್ದೆ. ಅಂತಿಮವಾಗಿ ಸಮೀರ್ ರನ್ನು ಆಯ್ಕೆ ಮಾಡಿದೆ” ಎಂದು ಅವರು ಹೇಳಿದರು.
ಇದಕ್ಕೂ ಮೊದಲು, ವೀಸಾವನ್ನು ಎರಡು ಬಾರಿ ತಿರಸ್ಕರಿಸಲಾಗಿತ್ತು. ಅದರ ನಡುವೆ ಕೋವಿಡ್ ಸಾಂಕ್ರಾಮಿಕ ರೋಗ ಬಂದು ನನ್ನ ಪ್ರಯತ್ನ 5 ವರ್ಷ ಮುಂದೂಡುವಂತಾಯಿತು. ವೀಸಾ ನೀಡಿದ್ದಕ್ಕಾಗಿ ಭಾರತ ಸರ್ಕಾರಕ್ಕೆ ಧನ್ಯವಾದಗಳನ್ನು ಅರ್ಪಿಸುತ್ತೇನೆ. ಮುಂದಿನ ವರ್ಷ ಜನವರಿಯಲ್ಲಿ ನಮ್ಮ ಮದುವೆ ನಡೆಯಲಿರುವುದರಿಂದ ನನ್ನ ತಾಯಿ ತುಂಬಾ ಸಂತೋಷವಾಗಿದ್ದಾರೆ. ಜರ್ಮನಿಯಲ್ಲಿದ್ದ ನನ್ನ ಸ್ನೇಹಿತರು – ಆಫ್ರಿಕಾ, ಸ್ಪೇನ್, ಯುನೈಟೆಡ್ ಸ್ಟೇಟ್ಸ್ ಮತ್ತು ಇತರ ದೇಶಗಳಿಂದ – ಅವರ ಮದುವೆಗೆ ಹಾಜರಾಗುವ ಸಾಧ್ಯತೆಯಿದೆ ಎಂದು ಖಾನುಮ್ ಹೇಳಿದರು.
ಬಳಿಕ ಭಾವಿ ದಂಪತಿಗಳು ಅಮೃತಸರದಿಂದ ಕೋಲ್ಕತ್ತಾಗೆ ವಿಮಾನ ಹಿಡಿಯಲು ಹೊರಟರು.
